తెలుగు 'వాడి'ని

కారణలు ఏమైనా ఆప్యాయతలూ, ప్రేమలూ, అభిమానాన్నీ పంచిన పెద్దలు మరియు అందరినీ, కన్నవారినీ(కొన్నిసార్లు కట్టుకున్నవారినీ), కలిసి పెరిగిన అన్నాతమ్ముళ్లు-అక్కాచెల్లెళ్లు, ప్రాణం కన్నా ఎక్కువగా అనిపించిన స్నేహితులు మరియు బంధుహితసన్నిహితులు, పుట్టిపెరిగిన చదువుకున్న ప్రాంతాలనూ వదిలి ప్రవాసానికి విచ్చేసిన భారతీయుల జీవన చిత్రం, ఆలోచనానుభవ విధానమిదేనేమో.

గమనిక : ఇందులోని ఒక్క అక్షరం ముక్క కూడా నాది కాదు. ఇప్పుడే ఒక మిత్రుడు పంపించిన ఈమెయిల్ లో ఉన్నది.

దీనిని చదివిన తరువాత, సరళమైన పదాలతో, సులభంగా అర్ధమయ్యే భావంతో, అన్ని కోణాలనూ తాకిన, కనులకు కట్టినట్టు చెప్పగలిగిన ఈ కవిత నాకు బాగా నచ్చటంతో మీతో పంచుకోవాలని అనిపించిన ప్రయత్నమిది.

ఇది ఎన్నినాళ్ల క్రితం, ఎవరు, ఏ ఆలోచనానుభవాలతో వ్రాశారో నాకు తెలియదు కానీ ఇందులోని భావంతో సరిపోలగ భావాలు, అనుభవాలు, ఆలోచనలు ఉన్నవాళ్లు కొద్దిమంది అయినా ఉండి ఉంటే ఇది వ్రాసిన వారి జీవితం ధన్యం ... వెలువడిన ఈ కవితకు అమరత్వం.........అందుకు ముందుగా ఆ అజ్ఞాత కవి హృదయానికి ఇదే నా అభినందనలమాల.



నాకు నచ్చిన ఇంకొక విషయం ఏమిటి అంటే ఆ ఈమెయిల్ లో .. NRI కి ఇచ్చిన నిర్వచనం

N R I ::::: Non Returning Indian.

:::::::::::::::::::::::::::::::::::::::::::::::

మీరు ఈ టపా చివరి వరకు చదివినట్లైతే మరొక్క నిముషం సమయం తీసుకొని దయచేసి మీ రేటింగ్-ను, క్రింద ఉన్న Widget ద్వారా తెలియజేయగలరు...అందులకు మీకు ముందుగా హృదయపూర్వక ధన్యవాదములు.
:::::::::::::::::::::::::::::::::::::::::::::::

ప్రవాస భారతీయుల జీవన చిత్రం - ఒక కవితగా

మీ బ్లాగుకు వచ్చిన పాఠకులు అందులోని టపాలను చదివేటప్పుడు ఒకవేళ వారు మీకు ఏదైనా చెప్పాలి అనుకుంటే లేదా మిమ్ములను వ్యక్తిగతంగా సంప్రదించాలి అనుకుంటే ... ఇప్పుడు గూగుల్ వారు తమ బ్లాగర్ లో(ఇది ఒక్క బ్లాగర్ లోనే కాదండీ ... ఎవరైనా, ఎక్కడైనా ఉపయోగించుకోవచ్చు) ఆ సదుపాయాన్ని కలుగజేశారు.

ఇందుకు సంబంధించి మీకు పూర్తి వివరాలు కావాలి అనుకుంటే తెలుసుకోవచ్చు ఇక్కడ లేదా ఒకవేళ డైరెక్ట్ గా మీరు signup చేయాలి అనుకుంటే ఇక్కడ నుంచి వెళ్లవచ్చు.

ఇది ఇప్పటికిప్పుడు మన తెలుగు బ్లాగర్లకు పెద్దగా ఉపయోగం అనిపించకపోవచ్చు ... కానీ దీనిని నేను ఇక్కడ పరిచయం చేయటానికి మూడు ముఖ్య కారణాలు ఏమిటి అంటే ..

1. ఈ టెక్నాలజీ ఇప్పటికే పాశ్చాత్య దేశాలలో చాలా విరివిగా వాడబడుతున్నది (ముఖ్యంగా ఒకటి, రెండు కన్నా ఎక్కువ ఉంటే .. One Number for All) కనుక మనం దీని గురించి కొద్దో గొప్పో తెలుసుకుంటే ఉపయోగం ఉంటుందేమో అనే ఉద్దేశ్యం.

2. ఒక్కొకసారి మంచి టపాలు చదివినప్పుడు వ్యాఖ్యగా ఏమి వ్రాయాలో తటాలున తట్టకపోవచ్చు లేదా మనం చెప్పాలి అనుకున్నది ఇంతకు ముందే ఎవరో చెప్పేసి ఉండవచ్చు ..లేదా తెలుగులో వ్రాయటానికి బద్దకం (ప్రస్తుతం ఉన్న విధానాల వలన .. బ్లాగర్ లో కొత్త పోస్ట్ వ్రాసేటప్పుడు ఉన్నట్లుగా, కామెంట్ బాక్స్ లో కూడా డైరెక్ట్ గా తెలుగులో వ్రాసే అవకాశం వస్తే ఇది చాలా వరకు తగ్గవచ్చు)..... వ్యక్తిగతంగా ఏదైనా సహాయం/వివరాలు కావలసి వస్తే ... లేదా ఫోన్ లో అయితే నాలుగు ముక్కలు సులభంగా చెప్పగలమేమో అనుకుంటే ... ఇలాంటి సందర్భాలలో దీనిని ఉపయోగించుకోవచ్చు.

3. ఇది మిమ్ములని ఏ విధంగానూ ఇబ్బంది పెట్టకుండా ఇక్కడి నుంచి వచ్చే కాల్స్ అన్నీ ఆటోమాటిక్ గా వాయిస్ మెయిల్ కు మళ్లించుకునే సెట్టింగ్ ఉండటం

కాకపోతే దీని మన అనామిక/అనామకులు misuse చేసే అవకాశాలు ఖచ్చితంగా ఉంటాయి ... సందేహమే లేకపోవచ్చు... నేను కొంచెం ధైర్యం గానే ఇప్పటికే ఇది నా బ్లాగ్ లో పెట్టాను (కాకపోతే వీటి గురించి ఇదివరకే తెలియటం/ఉపయోగించటం వలన ఇది మీకు చూపిద్దామని ఉంచాను .. కనుక ఇది కొన్ని రోజులు మాత్రమే ఉంటుంది.....ఆలకించిన ఆశాభంగం.....త్వరగా ఉపయోగించుకోండి) ......... చెడు ఫలితాలు ఏమైనా ఉంటే వెంటనే తెలియజేస్తాను :-)

ఉండి ఉంటే :

ఈ వాయిస్ మెయిల్ లో పాఠకులు వుంచిన మెసేజెస్ లో నుంచి ఆయా టపాలకు సంబంధించి అభిప్రాయాలు ఉంటే అందులోనుంచి అ బ్లాగ్ సొంతదారు కనుక ఆ మెసేజ్ ను ఆడియో వ్యాఖ్యగా చూపించదలచుకుంటే ఆ మెసేజ్ ను ఆ టపాకు పోస్ట్ చేసుకునే సౌలభ్యం ఉండి ఉంటే మనకు ఇంకా బాగుండేదేమో ...

ఇప్పుడే అందిన/చదివిన/చూసిన వార్త ... మనందరికీ ఎంతో శ్రవణానందకరమైన వార్త ... పాఠకులు ఉంచిన వాయిస్ మెయిల్ ను కావాలి అనుకుంటే మనం మన బ్లాగు పోస్ట్ కు జతచేయవచ్చు. పూర్తి వివరాలు ఇక్కడ

:::::::::::::::::::::::::::::::::::::::::::::::

మీరు ఈ టపా చివరి వరకు చదివినట్లైతే మరొక్క నిముషం సమయం తీసుకొని దయచేసి మీ రేటింగ్-ను, క్రింద ఉన్న Widget ద్వారా తెలియజేయగలరు...అందులకు మీకు ముందుగా హృదయపూర్వక ధన్యవాదములు.

:::::::::::::::::::::::::::::::::::::::::::::::

బ్లాగర్ నుండి ఉచితంగా మీకు ఫోన్ చేయటం మరియు వాయిస్ మెయిల్ వదిలిపెట్టటం ఎలా

ఏమి వ్రాస్తున్నామో అనే స్ఫృహ లేకపోవటమో లేక ఏదో ఒకటి వ్రాసేద్దాము అనే ఆతృతతో ఉండటమో లేక మేము ఏది వ్రాస్తే అదే వార్త అనే భ్రమో/గర్వమో తెలియదు గానీ వీళ్ల ధోరణి చూస్తుంటే ఏం చేసినా ఎలా చేసినా చెలామణి అయిపోతుందిగా అనే భావనే కనిపిస్తుంది ... వీటికి ఉదాహరణలు ఎన్ని కావాలంటే అన్ని కనిపిస్తున్నాయి మనకి ఈ మధ్య కాకపోతే నాకు ఇప్పుడే కనిపించిన ఇలాంటి మరొక వార్తను మీకు తెలిపరచాలనే ప్రయత్నమిది.

పొరపాట్లు అనేవి మానవ సహజం ... కాకపోతే కొన్ని కొన్ని విషయాలలోనైనా ఎట్టి పరిస్థితులలోనూ కనీసం ఆ పొరపాట్లకు తావులేని విధంగా ఉండటానికి ప్రయత్నించటంలోనే గొప్పదనం కనిపిస్తుంది. అలాంటి వాటిలో ముఖ్యమైనది అవతలి వ్యక్తి లేక అతని కుటుంబ సభ్యుల చావు వార్తలు.

గత వారంలో చిత్ర పరిశ్రమకు సంబంధించి ముగ్గురు(కల్పనా రాయ్, లక్ష్మీపతి, కునాల్) వేర్వేరు కారణాలతో చనిపోవటం ... అందులోనూ వీరిలో ఒకరికి (లక్ష్మీపతి) సంబంధించి, తన తమ్ముడు శోభన్ కూడా గత కొద్ది రోజుల క్రితమే చనిపోవటం ... వీరిద్దరూ ఒకే కారణంతో (గుండెపోటు ... ఇద్దరికీ మరో పోలిక ఏమిటి అంటే విపరీతంగా తాగుడు అలవాటు అందువలనే చనిపోయి ఉండవచ్చు అని) చనిపోయిన విషయం మనలో చాలా మందికి తెలిసే ఉంటుంది.

ఇదే బాధామయమైన సంఘటనల క్రమంలో అదే చిత్ర పరిశ్రమకు సంబంధించిన కృష్ణవంశీ గారి తమ్ముడు చనిపోతే (గుండెపోటుతో), AndhraVilas.com అనే site లో వారు ప్రచురించిన వార్త (ఇప్పుడు మార్చారులేండి.) చూడండి ఈ క్రింద ఉన్న image లో ...





















ఇది ఖచ్చితంగా అనుకోకుండా జరిగిన తప్పులాగానే అనిపిస్తుంది .. లేదా అయ్యుండవచ్చు ...

నేను ఇది ఇంతగా విశ్లేషించి, విశదీకరించి వ్రాయటానికి ప్రధాన కారణం .. ప్రస్తుతం మన మీడియా అంతా ఎలాంటి విషయాన్ని అయినా sensational గా మార్చటానికి ఏ మాత్రం సందేహించకపోవటం ... వాళ్ల TRP Ratings పెంచుకోవటానికి ఏ స్థాయికైనా దిగజారటం చూస్తుంటే .... కలిగే ఏహ్యభావాం మాటల్లో చెప్పలేనిది.

ముందుగా వీరే ఆ వార్త అందించాలి అన్న తాపత్రయమో లేక మన site కి హిట్లు పెంచుకోవాలి అన్న తహతహో తెలియదు గానీ .. నేను పైన చెప్పినట్లు ... చావు లాంటి కొన్ని విషయాలలో కూడా వీరు జాగ్రత్త తీసుకోక పోవడం చూస్తుంటే ... వీరి నిర్లక్ష్యానికి ఏ శిక్ష వేసినా సరిపోదేమో అనిపిస్తుంది....

ఒక రోజో, రెండు రోజులో పోయిన తరువాత తప్పు తెలుసుకునో లేక వీళ్ల ప్రయోజనం(హిట్స్, రేటింగ్స్) నెరవేరిందనో అనిపించిన తరువాత ఎన్ని మార్పులు, చేర్పులు చేస్తే ఏమిటి ఉపయోగం .. అప్పటికే జరగవలసిన damage జరిగిపోయింది...

మీడియా(ప్రింట్, ఎలక్ట్రానిక్, ఇంటర్నెట్) అనేది ఎంతటి ప్రభావవంతమయినదో, అందులో వచ్చే ఏ వార్త అయినా దావానలంలా వ్యాపిస్తుందనీ, చూపిస్తున్న విషయాన్ని కొన్ని లక్షల మంది వీక్షిస్తారనీ అందువలన వారి కుటుంభ సభ్యులు అనుభవించే మానసిక క్షోభను గురించి క్షణమైనా ఆలోచించక వీళ్లు చేసే ఈ పైశాచికానందాపు వికృతచర్యలకు స్వస్తివాక్యం పలికే రోజు ఎప్పుడు వస్తుందో ...

:::::::::::::::::::::::::::::::::::::::::::::::

మీరు ఈ టపా చివరి వరకు చదివినట్లైతే మరొక్క నిముషం సమయం తీసుకొని దయచేసి మీ రేటింగ్-ను, క్రింద ఉన్న Widget ద్వారా తెలియజేయగలరు...అందులకు మీకు ముందుగా హృదయపూర్వక ధన్యవాదములు.

:::::::::::::::::::::::::::::::::::::::::::::::

వీరి పొరపాటో, అవతలి వారి గ్రహపాటో .. వార్తలు ప్రచురించే విధానం ఇలాగేనా ?

మనలో చాలా మంది .. తల్లిదండ్రులలో, స్నేహితులలో, ఉబుసుపోక కబుర్లలో ... లేదా ఏదో ఒక సందర్భంలో....మన పుట్టిన తేదీని బట్టి మీరు అంతటి గొప్పవారు అవుతారు(అవవచ్చు) అనీ, వివాహ తేదీ అయితే చాలా మంచి రోజు అనీ, ఫలాన వారు అదే తేదీలో(కల్యాణ మండపంలో) చేసుకుని మంచిగా ఉన్నారనీ... అదనీ, ఇదనీ వినే/వింటూనే ఉంటాము.

ఉదాహరణకు మీరు పుట్టిన తేది మే 28 అయితే అన్నగారు అంత, మే 31 అయితే సూపర్ స్టార్ కృష్ణ అంత లేదా మే 27 అయితే రవిశాస్త్రి అంత గొప్పవారు అవుతారు అని వింటూనే ఉంటాము.

నేను IMDb Web Site లో వేరే సమాచారం చదువుతూ ఉంటే, యాధృచ్చికంగా నాకు కనిపించిన ఈ లంకె కొంచెం interesting గా అనిపించి మీతో పంచుకుందామనే ప్రయత్నమిది ...

ఈ దిగువన ఉన్న లంకె మీద నొక్కండి ....

మీకు ప్రత్యేకమైన (ఉదా: పుట్టిన/వివాహం) తేదీన , ... ప్రపంచ చలనచిత్ర పరిశ్రమలో ఎవరెవరు పుట్టారు, వివాహం చేసుకున్నారు లేదా చనిపోయారో తెలుసుకోవాలని ఉంటే ...

మీకు ప్రత్యేకమైన సంవత్సరంలో పుట్టిన లేదా వివాహం చేసుకున్న లేదా చనిపోయిన వారి పేర్లు తెలుసుకోవాలి అనుకుంటే ...

ఇకపోతే మీరు చేయవలసిందల్లా ... ఆ పైన ఉన్న లంకెలలో మీకు సంబంధించిన సంవత్సరం లేదా తేది మరియు నెల మార్చుకోవటమే .....

అది ఎలాగో తెలియకపోయినా లేదా తప్పులు చేస్తున్నా లేదా బాగా గందరగోళంగా అనిపించినా ... సులభమైన మార్గం ఏమిటి అంటే ... మొదటిగా ఆ పైన ఉన్న లంకెను నొక్కండి...ఇప్పుడు మీరు ఆ site లో కి వెళ్లిన తరువాత, ఎడమ వైపున Search Boxes లో లేక Drop-Downs లో మీకు కావలసిన వివరాలు ఇవ్వటమే ...

చూసుకోండి మరి ... మీకు తెలిసిన, నచ్చిన నటీనటులు, దర్శకులు మొదలగు వారితో మీకు ప్రత్యేకమైన తేది, సంవత్సరం జత కలిశాయేమో ... మీరు నిజంగా అంతవారు అయ్యారా, అందులో కొంతైనా అయ్యారా లేక అయ్యే మార్గంలో ఉన్నారా ... వీలయితే పంచుకోండి ఆయా వివరాలు ఇక్కడ ... సరదాగానే సుమా

:::::::::::::::::::::::::::::::::::::::::::::::

మీరు ఈ టపా చివరి వరకు చదివినట్లైతే మరొక్క నిముషం సమయం తీసుకొని దయచేసి మీ రేటింగ్-ను, క్రింద ఉన్న Widget ద్వారా తెలియజేయగలరు...అందులకు మీకు ముందుగా హృదయపూర్వక ధన్యవాదములు.

:::::::::::::::::::::::::::::::::::::::::::::::

మీకు ప్రత్యేకమైన తేదీన(ఉదా:పుట్టిన/వివాహం) లేదా సంవత్సరంలో, ప్రపంచ సినీపరిశ్రమలో ఎవరు పుట్టారు, వివాహం చేసుకున్నారు లేదా చనిపోయారో తెలుసుకోవాలని ఉంటే!

ఇది మాటలలో వర్ణించలేని ఆనందం .... ఎన్నాళ్లకెన్నాళ్లకు .... వారి నిస్వార్ధ ప్రయత్నానికి, కష్టానికి అత్యధ్భుతమైన గుర్తింపు.....

అందరికీ హృదయపూర్వక అభినందన జయజయధ్వానాలు....

ఈనాడు ఆదివారం ప్రత్యేక కధనం :: మన తెలుగు...వెబ్ లో బహు బాగు

:::::::::::::::::::::::::::::::::::::::::::::::

మీరు ఈ టపా చివరి వరకు చదివినట్లైతే మరొక్క నిముషం సమయం తీసుకొని దయచేసి మీ రేటింగ్-ను, క్రింద ఉన్న Widget ద్వారా తెలియజేయగలరు...అందులకు మీకు ముందుగా హృదయపూర్వక ధన్యవాదములు.

:::::::::::::::::::::::::::::::::::::::::::::::

జయజయధ్వానాల జిందాబాద్ : తెలుగు బ్లాగ్లోకం మరియు వికీపెడియాల విత్తువేసిన వారికి, వాటిని మొక్కగా, చెట్టుగా, వటవృక్షంగా మలచిన ప్రతి ఒక్కరికీ ...